ASK BRAHMA

Get answers for your questions

Surya Mandala Stotram Telugu Lyrics



నమోऽస్తు సూర్యాయ సహస్రరశ్మయే సహస్రశాఖాంవితసంభవాత్మనే|సహస్రయోగోద్భవభావభాగినే సహస్రసంఖ్యాయుగధారిణే నమః||

యన్మండలం దీప్తికరం విశాలం రత్నప్రభం తీవ్రమనాదిరూపం|దారిద్ర్యదుఃఖక్షయకారణం చ పునాతు మాం తత్సవితుర్వరేంయం||1||

యన్మండలం దేవగణైః సుపూజితం విప్రైః స్తుతం భావనముక్తికోవిదం|తం దేవదేవం ప్రణమామి సూర్యం పునాతు మాం తత్సవితుర్వరేంయం||2||

యన్మండలం జ్ఞానఘనం త్వగమ్యం త్రైలోక్యపూజ్యం త్రిగుణాత్మరూపం|సమస్త-తేజోమయ-దివ్యరూపం పునాతు మాం తత్సవితుర్వరేంయం||3||

యన్మండలం గూఢమతిప్రబోధం ధర్మస్య వృద్ధిం కురుతే జనానాం|యత్సర్వపాపక్షయకారణం చ పునాతు మాం తత్సవితుర్వరేంయం||4||

యన్మండలం వ్యాధివినాశదక్షం యదృగ్యజుఃసామసు సంప్రగీతం|ప్రకాశితం యేన చ భూర్భువః స్వః పునాతు మాం తత్సవితుర్వరేంయం||5||

యన్మండలం వేదవిదో వదంతి గాయంతి యచ్చారణ-సిద్ధసంఘాః|యద్యోగినో యోగజుషాం చ సంఘాః పునాతు మాం తత్సవితుర్వరేంయం||6||

యన్మండలం సర్వజనైశ్చ పూజితం జ్యోతిశ్చ కుర్యాదిహ మర్త్యలోకే|యత్కాలకాలాద్యమనాదిరూపం పునాతు మాం తత్సవితుర్వరేంయం||7||

యన్మండలం విష్ణుచాతుర్ముఖాఖ్యం యదక్షరం పాపహరం జనానాం|యత్కాలకల్పక్షయకారణం చ పునాతు మాం తత్సవితుర్వరేంయం||8||

యన్మండలం విశ్వసృజం ప్రసిద్ధముత్పత్తి-రక్షా-ప్రలయ-ప్రగల్భం|యస్మింజగత్సంహరతేऽఖిలం చ పునాతు మాం తత్సవితుర్వరేంయం||9||

యన్మండలం సర్వగతస్య విష్ణోరాత్మా పరం ధామ విశుద్ధతత్త్వం|సూక్ష్మాంతరైర్యోగపథానుగమ్యం పునాతు మాం తత్సవితుర్వరేంయం||10||

యన్మండలం వేదవిదోపగీతం యద్యోగినాం యోగపథానుగమ్యం|తత్సర్వవేద్యం ప్రణమామి సూర్యం పునాతు మాం తత్సవితుర్వరేంయం||11|

సూర్యమండలసుస్త్రోత్రం యః పఠేత్ సతతం నరః|సర్వపాపవిశుద్ధాత్మా సూర్యలోకే మహీయతే||12||||

ఇతి శ్రీ భవిష్యోత్తరపురాణే శ్రీకృష్ణార్జునసంవాదే సూర్యమండలస్తోత్రం సంపూర్ణం||